Ўзбекистон футзал терма жамоаси Португалияга қарши 2та ўртоқлик ўйинида майдонга тушиши мумкин. Ўйинлар шу йилнинг 18-19 сентябрь кунлари Португалияда бўлиб ўтиши режалаштирилган.

Қайд этиш керак, Португалия футзал терма жамоаси сўнгги Европа чемпионати финалига қадар етиб борган. 2010 йилги қитъа чемпионатида терма жамоа фақатгина Испаниядан енгилган – 2:4.

Шунингдек 2010 йилнинг дунёдаги энг яхши футзалчиси деб топилган Рикардиньо айнан Португалия терма жамоаси сафида тўп суради. У билан бир қаторда Жоэль Кейруш, Кардинал каби машҳур футболчилар ҳам Португалия термаси либосида майдонга тушишади.