Ўзбекистон терма жамоасининг Осиё Кубоги 2011 баҳслари доирасидаги Жанубий Корея билан бўлиб ўтган оҳирги учрашувидан сўнг, жамоа бош мураббийи Вадим Абрамов журналистлар билан мулоқатда қуйидаги фикрларни билдириб ўтди:
“Бугун биз учун Осиё Кубоги баҳслари якунланди. Умуман олганда жамоамиз мусобақада яхши иштирок этди деб ўйлайман. Чиройли ўйин учун футболчиларга раҳмат айтмоқчиман. Австралия билан учрашувни инобатга олмаганда, биз деярли ҳар бир ўйинда ўз кучимизни намойиш қилишга муваффақ бўлдик. Ўша ўйинда нима бўлганлигини биз хозиргача яхши англай олмаяпмиз. Бу қўрқинчилик тушга ўхшайди. Нима бўлганда ҳам, келажакда Ўзбекистон футболини катта ютуқлар кутмоқда деб ўйлайман. Мен бунга ишонаман, негаки Ўзбекистонда иқтидорли ёшлар жуда кўп. Ҳали биз албатта ўз сўзимизни айтамиз”, - деб таъкидлади Абрамов.
