22 январь куни бўлиб ўтган Осиё Кубогининг Австралия ҳамда Ироқ терма жамоалари ўртасидаги чорак финал баҳсини Ўзбекистон миллий терма жамоаси аъзолари ҳам «Ал-Садд» ўйингоҳида тамоша қилишди. Учрашув якунлангач, биз ярим финалдаги бўлажак рақибимиз, Австралия тўғрисида терма энг моҳир ҳужумчиларидан бири бўлган Александр Гейнрих фикри билан қизиқиб кўрдик ва ундан қуйидиги жавобни олдик:
“Австралия кутилганидек жуда кучли футбол намойиш қилди. Бу терма жамоа асосан жисмонан бақувват футболчилардан ташкил топган, шу боиc уларга қарши иккинчи қаватда ўйнаш нотўғри бўлади. Бундай жамоаларга қарши тўпни ерда ушлаб, тезкор тўп узатишлар орқали ўйнаш лозим деб ўйлайман”.
