Ҳавотирга ўрин йўқ...
21 январь куни Қатарнинг "Ҳалифа" ўйигоҳида бўлиб ўтган Ўзбекистон ҳамда Иордания терма жамоалари ўртасидаги Осиё Кубогининг чорак финал учрашуви жараёнида, миллий терма жамоамизнинг бош мураббийи Вадим Абрамов жароҳат олишган Александр Гейнрих ҳамда Игнатий Нестеровларни алмаштиришга мажбур бўлди. Ушбу футболчиларимизнинг жароҳатлари қай даражада эканлигини аниқлаш учун, биз Ўзбекистон миллий терма жамоасининг шифокори Аброр Пирриевдан маълумот олдик.
“Ҳозирда иккала футболчимизнинг аҳволи яхши. Улар олган жароҳатларнинг ҳеч қандай қўрқинчилик жойи йўқ. Кейинги ўйинга қадар Гейнрих ҳам Нестеров ҳам тикланиб олишади. Агарда мен уларнинг аниқ ташҳиси тўғрисида гапирадиган бўлсам, Сашанинг тизза бўғимининг ташқи ён бойлами енгил жароҳатинланган, Игнатийнинг эса, ўйин пайтида дарвоза тўсинига урилиб кетиши оқибатида сон мушаклари лат еган. Ҳозир ушбу футболчиларимизга керакли муолажалар кўрсатиляпти. Айтиб ўтганимдай, кейинги ўйингача улар тўла тўкис тикланиб олишади”, - деб таъкидлади Пирриев.
Бахтиёр Маметов
Доҳа, Қатар
