Ўзбекистон миллий терма жамоасининг Иорданияга қарши ўртоқлик учрашувлари вақти аниқ бўлди.
Унга кўра 13 ва 15 август куни бўлиб ўтадиган ўртоқлик ўйинлари бир ҳил вақтда – Тошкент вақти билан тунгги 01:00 (маҳаллий вақт билан 23:00)да бошланади. Ўзбекистон миллий терма жамоаси бош мураббийи Миржалол Қосимов талаби билан ўтадиган биринчи ўйинга «Amman International Stadium» меҳмонлик қилса, ФИФАнинг халқаро ўртоқлик учрашувлари куни сифатида белгилаб қўйган 15 август кунги беллашув «Қирол Абдулла» стадионида бўлиб ўтади.
Қайд этиш керак, Ўзбекистон миллий терма жамоаси 10 август куни пойтахт Тошкентда йиғилади ва 11 август куни Иордания пойтахти Амман шаҳрига йўл олади. Терма жамоага жалб қилинган футболчилар рўйхати билан мана бу ҳаволада танишиб олишингиз мумкин.
