Ўзбекистон терма жамоаси U-22 Осиё чемпионати саралаш баҳсларида фақат битта ўйинни кўк либосларда ўтказади.

15 июнь куни U-22 Осиё чемпионати саралаш “D” гуруҳи иштирокчи терма жамоалари ўртасида митинг бўлиб ўтди. Унда бир қатор масалалар қатори, терма жамоалар ўзаро ўйинларда қандай ранглардаги либосларда майдонга тушиши масаласига ҳам ойдинлик киритилди.

Жумладан, Ўзбекистон терма жамоаси саралаш баҳсларидаги ўзининг тўртта ўйинидан учтасида: Бангладеш (18 июнь), Непал (20 июнь) ва Иордания (24 июнь)га қарши ўйинларда асосий либосда ҳаракат қилади. Яман терма жамоасига қарши ўйинда вакилларимиз расман меҳмон мақомида бўлиб, бу ўйинда кўк либосларда ҳаракат қилади.

Саралаш ўйинлари тақвими билан бу ерда танишишингиз мумкин.