Осиё футбол конфедерацияси ва Ўзбекистон футбол федерацияси инструктори Фарход Абдуллаев қитъа футболи ташкилотининг «Келажак» лойиҳаси бўйича ҳакамлар курсига таклиф этилди.
4-9 октябрь кунлари Малайзия пойтахти Куала-Лумпурда бўлиб ўтадиган курслар 2010 йилда асос солинган ёш ҳакамлар гуруҳи учун мўлжалланган. Шу тариқа икки йил аввал ташкил топган ва ёш ҳакамлар учун мўлжалланган курсга якун ясалади.
Қайд этиш керак, ўзбекистонлик ёш ҳакамлардан бири Шерзод Қосимов мазкур лойиҳа иштирокчиларидан биридир.
